The news is by your side.

افغان ملي ځواکونه/ عزت الله ځواب

0

ښايسته، ښايسته ځوانان دي، افغان ملي ځواکونه!
زمونږ قهرمانان دي، افغان ملي ځواکونه!
په بيړه چې کوي سيلاب ځپلو سره مرسته!
رښتيني انسانان دي، افغان ملي ځواکونه!
يو هم د پنجابي غوندې روژه خوړلې نه ده!
اصلي مسلمانان دي، افغان ملي ځواکونه!
د کلي جينکۍ به بيا په چغو- چغو ژاړي!
بمبار کې شهيدان دي، افغان ملي ځواکونه!
د ښار ښکلي دې راشي پرې دې وشيندي ګلونه
د دې افغانستان دي، افغان ملي ځواکونه!
دښمن به د ښوونځي تر سوځولو مخکې سوځي!
ملګرو راروان دي، افغان ملي ځواکونه!
ځوابه هلکان چې په کې دنګ دي، غنمرنګ دي!
ځوابه په تا ګران دي، افغان ملي ځواکونه!

(Visited 12 times, 1 visits today)

Leave A Reply

Your email address will not be published.