The news is by your side.

علي وزیر: نور د پاکستان د ظلمونو پر وړاندې چوپ نه پاتې کېږو

0

 

د پښتون ژغورنې غورځنګ مخکښ مشر او د پارلمان غړی علي وزير وايي، دوي په ډېرو خبرو غلي پاتې شوي خو نور به په يوه خبره هم خاموشي اختیار نه کړي. هغه په کراچۍ کې د نقیب مسید د لومړي تلین په مناسبت جوړې شوې غونډې ته وینا کې ویلي، کراچۍ ته پښتانه له مجبورۍ راغلي، نه د ترهګرۍ لپاره، خو د ده په خبره پښتانه دلته هم د نورو سیمو په څېر ځورول کېږي. نوموړي د شمالي وزيرستان د خېسور د پېښې یادونه وکړه او زیاته یې کړه دوي به نور د پښتنو سپکاوی ونه زغمي او د ظلم پرضد به خپله روانه مبازره دوامداره وساتي. هغه وويل په وزيرستان کې انګرېزانو هم دغه ډول عملونه کول خو د پښتنو له پاڅون وروسته یې انجام پنجابیانو ته هم مالوم دی. وزیر زياته کړې پښتون تل په خپل عزت سر ورکړی دی او له دې وروسته به هم د خپل عزت ساتلو لپاره قربانۍ ورکوي. نوموړي د جلسې پر ګډون والو غږ وکړ چې نور به يو کېږي او د ظلم پر ضد به ګډ غږ پورته کوي.

(Visited 20 times, 1 visits today)

Leave A Reply

Your email address will not be published.