The news is by your side.

هواوې شرکت به په ۲۰۲۰ کال کې له ټولو مخکې شي

0

حمیدالله حمیدي-

هواوې  غواړي په ۲۰۲۰ ز کال کې له سامسونګ مخکې شي او د ځیرکو موبایلونو په تر ټولو ستر تولیدي شرکت بدل شي. دغه شرکت تېر کال وتوانېد چې د ځیرکو موبایلونو د پلور نیمه برخه د ځان کړي او په دې سره له اپل مخکې شي او له سامسونګ وروسته دویم ځای خپل کړي. له ستونزو او بندیزونو سره سره چې د دغه شرکت پر توکو په امریکا کې لګول شوي دي، دغه چینایي شرکت هوډ کړی چې په ۲۰۲۰ ز کال کې سامسونګ شرکت هم شاته کړي او د نړۍ په کچه د ځیرکو موبایلونو د جوړولو  په تر ټولو ستر شرکت بدل شي. د دغه شرکت مشر CNN ته ویلي، خپله ټوله هڅه یې په کار اچولې، څو په خپل برنډ کې د نویو بدلونونو په راوستو سره په نړۍ کې لومړی ځای خپل کړي. هواوې شرکت تېر کال ویلي وو چې باید په ۲۰۱۸ ز کال کې لږ تر لږه ۲۰۰ میلیونه موبایلونه وپلوري، چې په ډېرې اسانۍ سره خپلې دې موخې ته ورسېد. اوس دغه شرکت ویلي چې غواړي د روان ۲۰۱۹ ز کال د مارچ په میاشت کې خپل نوي تولیدات بازار ته وړاندې کړي چې په لیدو سره به یې خلک ګوته په غاښ شي.

(Visited 31 times, 1 visits today)

Leave A Reply

Your email address will not be published.