The news is by your side.

په بریټانیا کې د فېسبوک خپلسري کمه شوه

0

د بریټانیا پارلمان غواړي د ټکنالوژي پر لويو شرکتونو نوي مقررات وضع کړي، څو په دې سره د فېسبوک له لارې د ناسمو خبرونو د خپرېدو مخه ونیسي.
همداراز، دا پارلمان د نویو مقراراتو په وضع کولو سره غواړي د فېسبوک له مشهورې شبکې د ناوړه اطلاعاتو خپرولو او ناوړه کارونې مخه ونیسي.
د فیسبوک شرکت د عامه پالیسي مدیر کریم پلانټ د بريټانیا د پارلمان د دې پرېکړې هر کلی کړی او ژمنه يې کړې چې په دې برخه کې يې تر یوه بریده کار کړی دی او خپلې هڅې به لا ګړندۍ کړي.
ناسمو خبرونو په مخنیوي کې د فیسبوک په پاتې راتلو د بريټانیا پارلمان تر سختو نیوکو وروسته د فېسبوک شبکې د ځینو پر ځای مقرراتو د لګولو هر کلی کړی دی.
خو د بريټانیا د پارلمان یوې کمیټې فېسبوک قصداً د بريټانيا د قوانینو په ماتولو محکوم کړی او د دې شرکت چلونکي یې ډيجیټلي بدمعاشان بللي دي.
د بریټانیا پارلمان د دې قوانینو د وضع کېدو غوښتنه وروسته له هغې کوي چې د امریکا په تېرو ۲۰۱۶ ولسمشریزو ټاکنو کې د روسیې د مداخلې او لاسوهنو په مخنیوي کې دا شبکه ناکامه وبلل شوه.

(Visited 21 times, 1 visits today)

Leave A Reply

Your email address will not be published.