The news is by your side.

اختر

اکبر بری

0

د اخترښائسته ورځ ده
زړو کي شوق وهي موجونه
د سرور په خندا خلاصي
غونډي خولې لکه ګلونه
******
و کوڅو ته راوتلي
له کورو هلکان جوني
رنګارنګ جامې یی تن کي
په خندا دي نازنیني
******
د چا سره خولۍ په سر ده
د چا شین دسمال په غاړه
چا دوه لاسه دي سره کړي
مځکه نه ویني له ویاړه
*****
چا جیبونه دي ډک کړي
له میوو له شیرینیو
څوک خپل پلار دی نازولی
په روپیو په کالیو
*****
چا ښائسته جامې اغوستي
خوښ سیالانو کي نن ګرځي
څوک له شوقه له خوښیه
په مستۍ راغلی غورځي
*****
څوک په خوښ زړګې روان دی
و کورو ته د خپلوانو
څوک په منځ کي خوشال ناست دی
د دوستانو د یارانو
*****
هر طرف خلک خوښۍ کړي
زړونه خلاص دي له غمونو
غونډ په شور او شوق راغلي
د خوښیو له جامونو
*****
په هر لوري نغمې سر دي
د سرور او د مستیو
هر یو زړه نن مالامال دی
له خوښیو له ښادیو
*****
خلک هغه زړونه هغه
خو شورونه پکي نور دي
مځکه هغه اسمان هغه
خوشوقونه پکي نور دي…
*****
هلته هغه ویرانه کي
یو وړوکی ماشوم ژاړي
زړه یې ډک دی له غمونو
مخ پر تورو خاورو نغاړي
*****
غم ځپلي مور و پلاریې
کړي کوښښ چي دی ایمن کي
خو ها کله کراریږي ؟
چي زاړه کالي یې تن کي !

(Visited 54 times, 1 visits today)

Leave A Reply

Your email address will not be published.