The news is by your side.

حساب/ اسماعیل یون

0

موږه په ژوند کې څو څو ځله دوه رنګي کړې ده
یار خو لا څه کړې، ځان سره مو هم ټګې کړې ده

هغه وئ : یو او موږه دوه ځله قربان یادوو
موږه جانان ته څه وړیا ، غوړه مالي کړې ده

خدای خو پوهېږي چې سجده کې موږه څه یادوو؟
قسم پر خدای چې د بنده مو بنده ګي کړې ده

حساب پوره غواړي انکر منکر ، پوره مو پوښتي
خبر خو نه دي چې موږ نیمه زندګي کړې ده

لېوه یې خوري غیرت یې سر، عقل یې پونده کې دی
د ځان دښمن پښتون همېش سرتمبګي کړې ده

هغه مو و رېبي د زړه د ارمانو ګلونه
د چا په ګټه چې موږ هر وخت درغلي کړې ده

د جنت حورې به و نه ګوري چې چا دلته کې
د پښتنو د حورو لږ بې عزتي کړې ده

چې نه یې نوم اخلي په خوله او نه سجده لګوي
خدای هم پر هغو د نعمت مهرباني کړې ده

له کومه راغلو ، چېرته یو او چېرته درومو اخر؟
ما دې حساب کې څو څو ځله غلطي کړې ده

غاړه یې بنده ،مخ یې تور ،ازار ګټلی به وي
چې لغوړن ته چا د ښکلي ریباري کړې ده .

۲۴/۷/۱۳۹۸

(Visited 28 times, 1 visits today)

Leave A Reply

Your email address will not be published.