The news is by your side.

د عشق سزا!

عزت الله ذکي

0

که نن پر دنیا يم سبا پر عقبا

آخته په ګناه یم ولي بې پروا

لاهم زنداني یم په دغه ځنځیر

ذکي مبتلا یم د عشق په سزا

*****

نه ړوند یم نه وینمه لاره صِراط

روان په مزله یم د عشق په رباط

مجنون د لیلا یم ګرځم پر صحرا

ذکي مبتلا یم د عشق په سزا

*****

د هرڅه مالک رب د ټولو خالق

حیات ورکوي رب د ټولو رازق

په ژبه ګویا یم ذاکر په ثناء

ذکي مبتلا یم د عشق په سزا

*****

طامع ربه یم ستا د رحم و کرم

بل در نه لرم تاته سر خم درځم

ناچاره بې تا یم تل لاس په دُعا

ذکي مبتلا یم د عشق په سزا

*****

له قندو او شاتو شیرین مي کلام

قران الکریم ښه اعلی مي مقام

هر رنځ ته شفا یم هر درد ته دوا

ذکي مبتلا یم د عشق په سزا

١٣٩٨/مېزان/١٥مه

سهار

 

(Visited 55 times, 1 visits today)

Leave A Reply

Your email address will not be published.