The news is by your side.

زورواکان، جنگسالاران او زما د کلي بې وسي !!

0

څه عجيب نسل سينې وې خو پکې زړونه نه ؤ
چې دکوم ذات ؤ پکې سترگې او غوږونه نه ؤ

په دې مالت دجهنم عورف او رواج چليده
داکلئ ډوب ؤ اضطراب کې آوازونه نه ؤ

په جومأت کې اعلان وشو جنازې راوړي نـن
جنازې راوړې جسدونو کې سرونه نه ؤ

پيغله کډواله ويل دورور تصوير مې چيرته کيږدم
تصوير په لاس کې گرځيده خو ديوالونه نه ؤ

خلک لگيا ول په پالي باندې پالونه کتل
ما پال کتلو له قسمته مې لاسونه نه ؤ

ميرمنې ناستې وې ميړونو گريوانونه گڼډل
لاس کې يې ستنې وې خو ستنو کې تارونه نه ؤ

دې وران ويجاړ مالت کې څنگه پيغله نه ويريده
که يې په غاړه د څرمن پوښ تاويزونه نه ؤ

دچا تيونه وې پرې شوي کابلۍ پيغلکۍ
ته راته وايه چې د چا سر کې ميخونه نه ؤ

آرينه ناوې وه شهيده خو له دې دونيانه
زړگئ يې تور ؤ خو لمنه کې داغونه نه ؤ

مصطفی آرین

(Visited 74 times, 1 visits today)

Leave A Reply

Your email address will not be published.