The news is by your side.

سيل ته ځمه/ عزت الله ځواب

0

بيا د خمارو سترګو سيل ته ځمه!
زه د هوښيارو سترګو سيل ته ځمه
دا به جهاد کې حسابېږي که نه؟
چې د کفارو سترګو سيل ته ځمه!
د دوی د مينې ډيوه بله نه شوه!
د ناکرارو سترګو سيل ته ځمه!
ځان په کې ګورم چې مسکۍ شي راته
نور د خونکارو سترګو سيل ته ځمه!
په ميکده کې به مې پام غلط شي!
د مزېدارو سترګو سيل ته ځمه!
تل مې په لاره کې تيندک خوړلی!
خو د بېلارو سترګو سيل ته ځمه!
ځوابه تا نه اجازه اخلمه!
او د اشرارو سترګو سيل ته ځمه!

(Visited 31 times, 1 visits today)

Leave A Reply

Your email address will not be published.