The news is by your side.

صاحبه؟

عزت الله ځواب

0

څه قرض به راته را نه کړې مجبور يمه صاحبه؟
ډاکټر ته ځم، درمل اخلم، رنځور يمه صاحبه!
دا شکر دی چې کلي کې د خان ماڼۍ جوړېږي!
او زه پکې د څو ورځو مزدور يمه صاحبه!
که سپين دي او که تور دي او که شنه د خره بچي دي
دوی غواړي چې په خپلو وينو سور يمه صاحبه!
حاجي عمره دې هم وکړه وطن ته په خير راغلې!
دعا دې راته کړې ده مشکور يمه صاحبه!
هغه ورځ سره مخ شولو؛ خو تا سره وخت نه و!
په ياد کې به دې څه نا څه ضرور يمه صاحبه؟
توبه خوله مې دې ماته شي چې سپينې سپينې وايم
په دې باندې د هر سړي تربور يمه صاحبه!
ځواب يمه خبرې رانه مخکې وروسته کېږي
د ښکلو مخکې دغسې ترور يمه صاحبه!

(Visited 39 times, 1 visits today)

Leave A Reply

Your email address will not be published.