The news is by your side.

غزل

شاعر: ولي زاده راحل

0

شاعر د شــــــرپه ژبه نه پوهیږي

وخت د هنـــــر په ژبه نه پوهیږي

خیاله الوت ته مې زړه ډېر وشي خو

لامــــــــې وزر په ژبه نه پوهيږي

ټول د یوه کلي د یوې ژبــــې خلک

د خپل نهـــــــر په ژبه نه پوهیږي

د درد احساسه د هغــــو پېرزو شه

چې د پرهــــــر په ژبه نه پوهیږي

د مینې زړۍ زرغونیـــږي زړه کې

څوک يې د کـر په ژبه نه پوهیږي

نور يې له هرې ادا ستړی یمــــه

چې د نظـــــــر په ژبه نه پوهیږي

(راحله) ځان پسې روان اوسېـږه

چې دې لښکر په ژبه نه بوهیږي

(Visited 11 times, 1 visits today)

Leave A Reply

Your email address will not be published.