The news is by your side.

غزل

مولا ثاقب

0

په نيمه شپه مې بيا په زړه جانان راوريده

د زړه په للمو دشتو مې باران راوريده

د ګرمو اسويلو په ځای مې سوړ اخ دخولې ووت

چې څاڅکي مې له سترګو په ګريوان راوريده

موده پس دې دمينې څو خبرې راته وکړې

د خولې نه دې جانانه سم ګلان راوريده

بيګاه دقدر شپه وه چې سپوږمۍ غيږې له راغله

او ستوري مې لمن کې له اسمان راوريده

چاويل دکلي منځ کې چا رقيب په کاڼو وويشت

ما ويل د جمرو کاڼي په شيطان راوريده

پښتونه ستا دتورې به کيسې وې په ملکونو

غليم نه به سرونه په ميدان راوريده

نن بيا مازيګر پيغلو په منګو يو بل ويشتلې

ګودر کې دمنګيو مات کوديان راوريده

ثاقبه د څلورو سترګو جنګ وو زه ولاړ وم

باڼه وو او که غشي له چشمان را وريده

(Visited 22 times, 1 visits today)

Leave A Reply

Your email address will not be published.