The news is by your side.

غزل

عبدالهادي هادي

0

غزل

د غره پر سر چې یو زیارت ، پر یو ملنګ دی آباد
ور لاندې رود، دی، زموږ کلی یې تر څنګ دی آباد

عجیبه خاوره ، عجیبه یې معرفت شوی دی
وایي وطن د افغانانو دی، په ننګ دی آباد

چې مرګ او ژوبلو ته یې ګورې، ته وا ، ورک شو ملت
د وینو سیند کې یې چې ګورې، په بل رنګ دی آباد

چې څوک مو پریږدي په آرام، چاته خطر خو نه یو
چې څوک مو وژني، زموږ تاریخ خو بیا په جنګ دی آباد

زما ملت له ولږې مري، وچې ګولې ته حیران
په کوه نور یې تاج د پیغلو ، د پرنګ دی آباد

یاره هادي د ښار د خلکو ، دوه مختوب نه ستړی
څه په رباب، څه په چلم او څه په بنګ دی آباد

(Visited 53 times, 1 visits today)

Leave A Reply

Your email address will not be published.