The news is by your side.

څوک يې؟ / هنر غيرت

0

زه اختر يم اجازه ده ؟
نه ، زه روان يم هديرې ته
د خپل ځوان زوی مقبرې ته
هېر می نه دي سپين بيرغو
مې له ورور پرې کړه لاسونه
وروسته تور بيرغيان راغلل
غوڅول به يې سرونه
زما مشر ورور ته يې ښخ ول
د پنجاب ماډل بمونه
دلته هر چېرې خوره ده
يوه غوغا کرکجن غږونه
زمونږ د کلی ټول زلميان يې
په تکبير ذبح او حلال کړل
د ژوند هر څه يې خرڅ کړی
د مرګونو په دلال کړل
نو اختره رنګ دې ورک کړه
قدمونه دې ژر سپک کړه
راليږلی ته دې ورشه
او له مونږ په ګيلو سر شه
چې راستون يې کړم له کلی
هم مې ښار په کاڼو ولي
ورته ووايه چې وايي
اختر مړو ته نه ښايي
هم مو خپل په خپله وژنی
هم مو بل په خپله وژني
د افغان سره يې جنګ دی
پر ملالو يې غورځنګ دی
هم سنګر په وينو سوردی
هم ګودر په وينو سور دی
دلته يې جوړه کربلا ده
فتنه ټوله د ملا ده
د پردو سره نوکر دی
نس يې کندې نه ژور دی
مونږ ناپوهه او بی خبر
ملا خدای دی مقرر
ځه اختره له دې ځايه
زمونږ تپوس وکړه له خدايه 

(Visited 78 times, 1 visits today)

Leave A Reply

Your email address will not be published.