The news is by your side.

په انګریزۍ کې د ټامي اصطلاح

0

ټامي (Tommy) په انګریزۍ کې هغه کوڅه ډبه اصطلاح ده چې تر ډېره د انګریز پوځیانو ترمنځ کارول کېږي. په لومړۍ نړیواله جګړه کې دا اصطلاح لومړی جرمنیانو بیا فرانسویانو انګریز پوځیانو ته کاروله چې اصطلاحي معنا کې یې هدف هغه خلک دي چې ځمکه نه لري.
اوس هم دا صطلاح په انګریز پوځ کې کارېږي او پراشوټي پوځیانو ته ټامیان وايي، ځکه هغوی په هوا کې وي او مشخصه ځمکه نه لري.
بیا دا اصطلاح د هند په نیمه لویه وچه او په اخر کې پاکستان کې مشهوره شوه، اوس مهال دا اصطلاح پاکستان کې هغه کسانو ته چې انګریزي سکول نه فارغ وي نازدانه وي او د لویو کورنیو غړی وي کارول کېږي.
دا اصطلاح اوس لکه د برنال ولګوه، تحریک او پاټک په څیر له پاکستان نه افغانستان ته وارد شوې ده او دلته یې هغو کسانو ته کاروي چې امریکا او اروپا ته د یو ورکشاپ لپاره تللي وي چې بېرته راشي وايي ما په امریکا کې لوړې زده کړې کړي دي او ځان په نورو نیغ نیغ کوي. دا خلک په لومړي سر کې په دروغو او چل ول یو ځای ته ځان ورسوي خو چې وروسته په سیاست او دولتدارۍ کې ناکام شي بیا دا اصطلاح هغو کسانو ته کاروي چې واقعا یې د زړه په وینو غربي هېوادونو کې تعلیم کړی او بیا د خدمت په خاطر راغلي دي او دلته کار کوي.
مطلب ټامیزم او ټامي اصطلاح اول باید ونه کارول شي ځکه یوه کوڅه ډبه او تحقیرونکې اصطلاح ده او بل له پاکستان وارد شوې ده او که بیا یې هم څوک کاروي هیله ده د استعمال ځای یې وپيژني

خوشال خلیل

(Visited 167 times, 1 visits today)

Leave A Reply

Your email address will not be published.