The news is by your side.

خصوصي سکتور د دولت د مهم شریک په توګه

0

محمدبشیر یوسفزوی/

 

خصوصي سکتور د دولت د مهم شریک په توګه مهم رول لري، ځکه چې د ټولنې د ثبات برخه کې د دوی ارزښت ټولو ته څرګند دی چې خلکو ته د شغل او کار د ایجاد برخه کې زمینه برابروي او دا مهال اکثر هیوادوال د خصوصي سکتور له لارې خپلو کورنیو ته یوه مړۍ حلال رزق په عزت سره ترلاسه کوي. ولسمشر غني خصوصي سکتور سره په  تېرو پنځو کالو کې په بېلابېلو  برخو کې ښه همغږي او همکاري رامنځته کړې او له همدې امله هم د داخلي عوایدو، هم د سوداګرۍ او هم د کار او نورو برخو کې پام وړ ښه والی راغلی دی.

حکومت په پام کې لري چې د خصوصي سکتور په همکارۍ د صادراتو او وارداتو تر منځ د انډول رامنځته کولو او د داخلي تولید د زیاتولو لپاره موثر او عملي ګامونه واخلي او به همدې خاطر ولسمشر غني داخلي تولیداتو پلورلو ته تل ترجیح ورکړې او دولتي ادارې یې دېته هڅولې دي چې خپلې اړتیاوې باید له وطني تولیداتو څخه پوره کړي.

د پالیسي د پلي کولو او د مستهلکیونو له قانون  څخه د ملاتړ په لاره کې د مدني بنسټونو په مرسته د حکومت جدي هڅې حتمي دي. د دولت د داخلي عاید د زیاتولو په موخه باید ، حکومت د منځني پوړ د پرمختګ لپاره اسانتیا برابره کړي، ښه کارونه وهڅوي او هغه کوچنۍ سوداګرۍ چې نه دي ثبت شوي رسمي کړي او د پانګونې د هڅولو په موخه مالياتي سیستمونه او پروژې ساده او رڼې کړي.

د زېربناو، کلیو او کرنې پراختیا د افغانستان د بسیاینې لپاره یو مهم عنصر دی د اوبو د سرچینو د پراختیا، د برېښنا د تولید او اوبولو په موخه د اوبو د ضایعاتو مخنیوی او ټولې طبیعي سرچینې باید د دولت او نړیوالې ټولنې د پام وړ وي. همدارنګه باید د معدنونو د راسپړلو او رهبري لپاره نړیوالو منل شویو معیارونو له مخې روڼ  اوځواب ویونکي چوکاټ رامنځته او پیاوړی شي.

موږ د سیمه ییز دهلېز،د سرکونو او د اوسپنیزې کرښې د جوړولو،د برېښنا د ملي پروګرام او د کلیو د پراختیا په برخه کې د زېربنایي پرمختګونو څخه خپل ملاتړ اعلانوو. خو ټینګار مو دادی چې د بدلون لسیزه باید افغانستان د انرژي (برېښنا او نفت) له پلوه خودکفا کړي.

په  ګټورو او تلپاتې او چاپیریال ساتنې  پروژو کې باید په محرومو سیمو باندې تمرکز وشي او په ملي او سیمه ییزو کچو د خلکو ګډون په کې باوري شي. د بدلون لسیزه باید د مرستو ترڅنګ د پانګونې او ګډون اصل د نړیوالې ټولنې او افغانستان تر منځ د دوو شریکباڼو په توګه په لومړیتوب کې قرار ولري.

د ښځو فعال ګډون او د هغوی ملاتړ، باید د ټولنیزو او اقتصادي پرمختګونو د مهم شاخص په توګه د بدلون د لسیزې په ستراتیژي کې د یو مهم اصل په توګه په پام کې ونیول شي او د کرنې او تولیدي کارونو په برخه کې مزد ته دښځو لاسرسی باید د کار په قانون کې د اصلاحاتو راوړلو له لارې تامین شي.

(Visited 24 times, 1 visits today)

Leave A Reply

Your email address will not be published.