The news is by your side.

د زمري لور – د خلیل جبران غوره لیکنې او ویناوې

ژباړه او راټولونه: میوند محمد جمال

0

يوه زړه ملكه چې په خپل تخت ويده وه د دغه ملكې څلور غلامان پكي په لاس  د ملكې په شاوخوا ولاړ ول او پكي يې ورته وهه.

آخر د ډېرې چوپتيا نه وروسته يو غلام وويل :

«دا زړه (ملكه) په خوب كې څومره بدرنګه ښكاري، تاسو خو يې دې مخ ته وګورى، د ګونجو د لاسه څنګه ځوړنده ده او ساه خو داسې اخلي لكه څوك يې چې په ستوني ناست وي او خپه كى كوي يې»

په تخت د ملكې سره د ملكې پيشو هم ناسته وه كله چې د غلام دغه خبرې پيشو واورېدې نو داسې وويل :

«دا زړه ملكه د خوب پر مهال دومره بده نه ښكاری لكه تاسو چې د بيدارى په مهال غلامان يئ»

دويم غلام وويل:

«داسې ښكاري چې دا كوم خراب خوب ويني ځكه خو يې د مخ كونجې دومره بدرنګه معلومېږي»

پيشو ورته په ځواب كې له ځانه سره وويل :

«كاش چې تا په خوب كې د خپلې ازادۍ خوبونه ليدل»

دريم غلام وويل :

«داسـې ښكاري چې دا هغه خلك ويني چې كوم دې وژلي (قتل)  ځكه يې خوب دومره نا ارامه ده».

پيشو په ځواب كې ورته وويل:

«هو ! دا ستا د غلامانو  پلرونو او نيكونو هغه كاروان ويني كوم چې د دې په غلامي كې مړه شوي او یا هم وژل شوي»

څلورم غلام وويل :

«كه څه هم مونږ د دې په باره كې خبرې كوو او خـپل وخت تېروو خو آيا د پكي وهلو دغه ذلالت مو هير دى»

پيشو د ځانه سره وويل :

ته به همداسې همېشه غلام يې او پـكي به وهې.

په دغه وخت كې ملكه په خوب كې و خـوځېده او تاج يې له سره وغورځيده.

يو غـلام وويل :

«دا ډېر بد فال دى»

پيشو وويل:

«د يوه انسان بد فال د بل انسان لپاره ښه وي»

دويم غلام وويل:

«كه چېرته ملكه را پـاڅېدله او خپل تاج يې پر ځمكه پروت وليده نو بې له ځنډه به مونږ ووژني»

پيشو وويل:

«ستاسو د پيدايښت له ورځې ملكه هره ورځ تاسو وژني خو تاسو نه پوهېږى»

دريم غلام وويل:

«هو ! دا به مونږ په قتل ورسوي او بيا به وايي چې دا مې د خـپل فـلانكي پير لپاره قرباني كړل»

پيشو ويل:

«صرف كمزوري خلك د پيرانو لپاره قرباني وركوي»

څلورم غلام  كوښښ وكړ او په كلاره يې د ملكې تاج راواخيسته او د هغې په سر يې په احتياط سره كېښوده.

پيشو په غريدلي اواز وويل:

«صرف غلامان غورځيدلي تاجونه بېرته په خپل ځاى ږدي»

د لږ  ځنډ وروسته ملكه په داسې حال كې را پاڅېده چې خپل شاوخوا يې په وارخطايي كتل او دا يې وويل:

«لكه چې ما ډېر خراب خوب ليده چې يو لړم د څلورو كشپ كاسو په لټه كې و»

هغې دا وويل :

«دا خوب زمـا نه دى خوښ»

 او بيا په درانه خوب ويـده شوه او غلامانو هماغسې په ملكه پكي وهه .

پيشو وويل :

« تكړه شى او همداسې پكي و وهى، اى كم عقلو ! تاسو هغه اور ته پكي ووهئ چې د كوم اور د لاسه به تاسې ډير زر وسوځئ»

دالسابق کـتاب ۲۳،نه تر ۲۷ مخ پورې .

(Visited 43 times, 1 visits today)

Leave A Reply

Your email address will not be published.