The news is by your side.

د قرنطین لازمې لارښوونې

ډاکتر زین الله زرغون

0
  • هره کورنۍ باید یو غړۍ وټاکي چې له کوره بهر ضروري توکو او سودا پسې لاړ شي، نه دا چې د کورنۍ هر غړۍ او یا ټول په ګډه له کوره بهر ووځي.
  • د بهر تلو لپاره یوه جوړه ځانګړی لباس انتخاب کړئ او هڅه وکړئ چې دغه لباس د کور له نورو لباسونو جلا وساتئ.
  • د سودا اخېستلو لپاره یوه ځانګړي له ټوټې جوړه شوي خلطه انتخاب کړئ او دغې خلطې ته د کور بیروني دروازې سره ځانګړی ځای وټاکئ.
  • د سودا اخېستو پیسې مو له نورو کورنیو پیسو جدا کړئ، د بهر تلونکي شخص لپاره ځانګړي د پيسو ایښودنې بکسه جوړه کړئ چې د سودا اخېستنې پيسي پکې وساتي.
  • هڅه وکړئ چې خپل موټر بازار ته یونسئ، اما که بیا هم ضرورت وي نو دغه موټر د کور له نور موټرو جلا کړئ، بیل ځای ورته جوړ کړئ او یوه ځانګړي کیلې ورته وټاکئ.
  • د سودا لېست جوړ کړئ، په ورځ کې یو ځلې بیرون سودا اخېستو ته لاړ شئ نه دا چې بار بار له کوره بهر ووځئ.
  • له کوره بهر حتمن ماسک او یو ځل کارویدونکي لاس پوښونه استعمال کړئ.
  • په بازار کې له چا سره روغبړ مه کوئ، د سودا اخېستنې پر وخت ټول ټاکل شوي اصول مراعت کړئ.
  • هڅه وکړئ چې له کوره بهر له خپله شخصي ټیلفونه استفاده ونکړئ، که بیا هم ضرورت کیږي نو دغه استعمال مو بیخي زیات کم کړئ.
  • د بازار هغه ځایونو ته مه ځئ چې ګڼه ګوڼه ولري، خپله سودا زر واخلئ او بیرته زر راستون شئ.
  • د کور دروازه مو د لاس ورغوي او د ګوتو داخلي برخو په واسطه مه خلاصوئ، هڅه وکړئ چې د څنګل په واسطه د دروازې لاس بند خلاص کړئ.
  • کله چې کورته داخلیږئ نو یو ځانګړی ځای د هغه کاریدونکو توکو او لباس لپاره جوړ کړئ چې په بیروني محیط کې ورځنې استفاده کیږي.
  • خپل لاسونه په صابون او اوبو پاک ووینځئ، خپل کورنۍ لباس مو پر تن کړئ او بیا د کور داخل ته لاړ شئ.
  • که له ټیلفونه مو استفاده کړي وي نو له بیا استفادې وړاندې یې ضد عفوني کړئ او بیا یې له ځان سره د کور داخل ته یوسئ.
(Visited 47 times, 1 visits today)

Leave A Reply

Your email address will not be published.