The news is by your side.

د دې پنیر بیه يو سلو ۸۶ زره ډالره ده

0

تاسې به د سروزرو، سپینوزرو او نورو بېلابېلو ګران‌بیه ګاڼو غله ليدلي وي، خو په کاناډا کې پولیس د یوه داسې غله په لټه کې دي چې د کروړونو روپیو پنير یې په یوه بار وړونکي موټر کې پټ کړي او یو نامالوم ځای ته یې لېږدولي دي.
د کاناډايي رسنیو د مالوماتو له مخې، د دې هېواد په اونټاریو کې د پنير جوړونې یوې کمپنۍ ته سهار وختي یو کس له کاغذونو سره ورغلی و چې یو بار وړونکی موټر پنير ترې نیوبرسنی وک ته یوسي.
د کمپنۍ کارګرانو دې کس ته ټرک موټر له پنيره بار کړ، خو له ټاکل شوې مودې وروسته هغه ځای ته چې باید د پنير موټر پر وخت رسېدلی وای، نه و رسېدلی.
له څېړنو وروسته مالومه شوه چې دې کمپنۍ ته ورکړل شوي کاغذونه ټول جعلي وو. دې کمپنۍ د پنیر د اندازې په اړه څه نه ‌دې ویلي، خو زیاتوي، دا پنير د یو سلو ۸۶ زره ډالرو په ارزښت و.

(Visited 34 times, 1 visits today)

Leave A Reply

Your email address will not be published.