cheap nfl jerseyscheap jerseys from chinacheap mlb jerseyscheap nhl jerseyscheap jerseyscheap nfl jerseyscheap mlb jerseyscheap nfl jerseyscheap mlb jerseyscheap nhl jerseys
اقليمي بدلون او ذهني فشار – afghansabawoon
The news is by your side.

اقليمي بدلون او ذهني فشار

0

دا اوس مې يو راپور لوسته چې په کې يې د يو څو ځوانانو او پېغلو کيسې ليکلي او منځپانګه یې دا ده چې د اقليمي بدلون له امله تر ذهني فشار لاندې دي. په دغو کسانو کې له شپږ کلنې ماشومې نيولې تر شل کلنو ځوانان او پېغلې شته دي.

د هغوى له ډلې يې اسټرالیایي کلوور هوګن چې اوس انګلستان ته کډواله شوې هم شته، چې تر سخت ذهني فشار لاندې ده، خو اوس يې يوه ټولنه جوړه کړې او په ځوانانو کې کار کوي او پیغام یې دادی: ((د اقليمي بدلون خلاف ستاسې يوه وړه کړنه هم حساب وړ ده، تاسې کار وکړئ!))

کينيایي اقليمي فعاله ايليز يبيټ بيا وايي: ((ځوانان وېره لري چې موږ به له زړښته مړه نشو، مګر اقليمي بدلون به مو خامخا ووژني.))

د انګلستان د چاپېريال ادارې د يوې نوې څېړنې پر اساس، هغه خلک چې د چاپېريال سترې پېښې لکه سېلابونه، اورونه، ډېره ګرمي يا هم طوفانونه ګوري يا يې شاهدان دي، پنځوس سلنه له ذهني فشار سره مخ دي.

له دې ذهني فشار څخه څنګه ځانونه خلاص کړو؟!

دا چې وړاندې مو ولوستل چې د اقلیمي بدلون لومړی اغېز پر ماشومانو او تنکیو ځوانانو دی، نو دوی له ذهني ستونزو سره مخ کوي. تر دې عنوان لاندې ځینې هغه مسوولیتونه تشریح کېږي چې والدین یې باید د خپلو اولادونو د هوسا راتلونکې لپاره وکړي.

ـ دا چې هر انسان اقليمي او چاپېريالي متخصص نه دى او ضرور هم نه ده، نو کله چې مو اولاد درنه پوښتنه وکړه او پرې پوه نشوئ، نو ورته ووایئ: واه! څومره ښکلې پوښتنه! صبر زه يې درته په انټرنېټ وګورم، له فلاني به یې پوښتنه وکړم، سبا به یې ځواب درکړم.

– کله چې اولادونه د اقليمي بدلون او چاپېريال ته د متوجه ستونزو په اړه اندېښنه څرګندوي، نو داسې ورته مه وایئ چې هیڅ خبره نشته او هر څه سم دي، بلکې ورته ووایئ، ستا اندېښنې پر ځای دي، خو له دې ستونزې د خلاصون لپاره دغه او دغه لارې هم شته او تمرکز باید په مثبتو لارو چارو وشي.

– تل د يو شي په اړه منفي خبر انسان ناهیلی کوي او اقلیمي بدلون خو بیا حیاتي موضوع ده. په همدې دلیل هڅه وکړئ چې خپلو اولادونو ته د موضوع منفي اړخ کم او مثبت یې زیات تشریح کړئ او دغه څه دې باید مخکې له مخکې په ذهن کې وي.

ـ خپل ماشومان پرېږدئ چې د اقليمي بدلون په اړه مطالعه وکړي. د اقلیمي بدلون خلاف لاریونونو او غونډو کې برخه واخلي، له دوی سره مرسته وکړئ چې د دې موضوع په اړه د سټیج پر سر خبرې وکړي، په کمپاینونو کې برخه واخلي او د اقلیمي بدلون خلاف مؤسساتو سره یو ځای شي.

ـ د اقليمي بدلون خلاف برياوې مو له اولادونو سره په ګډه ونمانځنئ، ان که چېرې ډېره کوچنۍ بریا هم وي.

موږ ته څه کول په کار دي؟

زما ښه په ياد دي چې موږ په ښوونځي کې د چاپېريال ککړتياوې لوستې وې، خو چې کله له دولسم ټولګي فارغ شوم، نو دا مې نه وو زده چې چاپېريال کوم ډول خطر سره مخ دى؟ اقليمي بدلون څه ته وايي؟ نړۍ داسې يو خطر سره هم مخ ده؟ تر دې چې پوهنتون مې پيل کړو او سر مې خلاص شو او ښایي لوی دلیل یې دا وي چې په همدې برخه کې مې زده کړې کړې دي. خو د چاپېریال ساتنې او چاپېریال ته د ورپېښو ګواښونو په اړه په ابتدایي مسایلو باید هر ماشوم پوه وي، ځکه دا د هر فرد له ژوند سره تړلې موضوع ده.

دا چې ستونزه زموږ په ښوونځيو، ښوونکو، نصاب یا بل چا کې وه، دا پرېږدو متخصصینو ته، خو اوس راځم دې ته چې ورځ تر بلې چاپېریال ته د ورپېښو ګواښونو لمن په پراخېدو ده، نو موږ باید څه وکړو؟

دا چې له خپلو اولادونو وخت په وخت پوښتنه وکړئ چې چاپېریال څه ته وایي؟ اقلیمي بدلون څه ته وایي؟ د چاپېریال ککړتیا یعنې څه؟

همداراز دې ته ورته هغه نورې پوښتنې ورڅخه وکړئ چې چاپېریال او چاپېریال ساتنې ته متوجه دي او ورسره د مبارزې لپاره باید ورسره څه وشي؟

که یې زده وو نور یې هم وهڅوئ او که یې زده نه وو، ورته معلومات ورکړئ او بیا هم تکراروم، چې اړینه نه ده هر څوک باید د چاپېریال ساتنې متخصص وي، بلکې هغه لومړني معلومات خو باید ولري چې زموږ د چاپېریال تضمین کوي او بالاخره زموږ ژوند ژغوري.

اولادونه مو لکه زموږ ړانده او کاڼه مه لویوئ. چاپېریال ساتنه نن سبا ډېره ګرمه او حیاتي موضوع ده، ځکه د ډېرو نورو موضوعاتو په څېر چاپېریال له خپلو اوسېدونکو سره طبقاتي چلند نه کوي، بلکې خان، غریب، ماشومان او لویان ټول ګواښي، نو له جدي خطرونو یوازې هغوی ځان ژغورلی شي چې په دې مسایلو خبر وي. مه پرېږدئ چې ماشومان مو د نورې نړۍ له ماشومانو کم يا هم په کم احساس را لوى شي، داسې يې وروزئ چې ځان د دې ځمکې مالک احساس کړي.

(Visited 52 times, 1 visits today)

Leave A Reply

Your email address will not be published.