The news is by your side.

د الکوثر سورې عددي معجزه

ژباړه: مِهرتاج

0 106

د سورة الکوثر عددي معجزو زه حیران کړم، ما وې چې له تاسو سره یې هم شریک کړم.

الکوثر د قرانکریم تر ټولو کوچنی سورت دی،چې په دې سورت کې د کلمو شمېر ۱۰ دی.

که څه هم قرآن کریم پخپله یوه معجزه ده، خو..

– د سورة الکوثر لومړی آیت لس حروف لري.

– دوېیم آیت یې هم لس حروف لري.
او درېیم آیت یې هم لس حروف لري.

– هغه حرف چې په دې ټول سورت کې په مکرر ډول ذکر شوی، د “الف” حرف دی؛ چې لس ځله راغلی.

– د هغه حروفو شمیر چې په دې سورت کې یوازې یو ځل راغلي، ۱۰ حروف یا توري دي.

– د دې سورت ټول (۳ واړه) آيتونه په “ر” (راء) سره پای ته رسېږي، چې په حروفِ هجا کې لسم حروف دی.

– د قرآن کریم هغه سورتونه چې په “ر” سره پای ته رسېږي، شمېر یې ۱۰ دی، چې سورت الکوثر یې وروستی سورت دی.

* په سورت الکوثر کې د لسمې شمیرې حقیقت دا دی، چې دا د “ذی الحجې” د میاشتې لسمه ورځ ده، لکه څنګه چې الله تعالی فرمایي:

“فَصَلِّ لِرَبِّكَ وَانْحَرْ”
ترجمه:
“نو تۀ د خپل هماغه رب لپاره لمونځ اداء کړه او قرباني وکړه.”
ـ دا په حقیقت کې د قربانۍ ورځ ده

د الله جل جلاله د شان دا هر څه… د قرانکریم په تر ټولو کوچني سورت (الکوثر) کې راغلي دي، چې ټول یوه کرښه دی.
د لویو سورتونو په اړه به یې تاسي څه فکر کوئ!!!
نو ځکه الله جل جلاله فرمايي:
“که چیرته تاسي په هغه (قرآن) څه کې شک لرئ، چې ما په خپل بنده نازل کړی دی، نو یوازې یو سورت د هغه په ​​څیر راوړئ.”

الله تعالی دې زموږ او تاسي ټولو د حوضِ کوثر برکتي اوبه نصیب کړي، چې له هغې وروسته هېڅ تنده احساس نه کړو.

آمین

Leave A Reply

Your email address will not be published.