The news is by your side.

دوکه

سرلوڅ مرادزی

0
د هدف په لوري هر وخت چې قدم ږدم
د اغزیو پر پولۍ پلونه پیهم ږدم
بیا مې لاره په ګړنګ او په توپان شوه
خطر زیات دي که قدم هرڅو محکم ږدم
ما ګڼله چې مې بخت له سره ویښ شو
پخپل مات تندي پټۍ به د مرهم ږدم
ماوی خپله د تقدیر ویش کې ویشګر شوم
پخپل لاس به مې د خپل تقدیر رقم ږدم
ما همیش د دوستۍ لار داسې ګڼله
چې د دوست له پل سره به مې پل سم ږدم
زما ژوند د حقیقت له ورخ خړوب دی
د ریښتیا په پار مې ګوتې په قسم ږدم
په دوستۍ کې د دوکې په چل پوه نه وم
په همدې خبره نوکه د قلم ږدم
د ۲۰۲۱ کال د نومبر لومړۍ
Leave A Reply

Your email address will not be published.