The news is by your side.

!د افغان برخه

سرلوڅ مرادزی

0 42
موږ خپلې چارې د جهان ګڼلي
وران قضاوت کوو جهان برخه کې
خپله مسوول یوو هسې بل ګرم بولو
ملامت خپله یوو وجدان برخه کې
اړیکې نه پالو د نورو سره
بد یوو یوبل سره ګوزران برخه کې
تل مو د نورو په ایمان شک کړی
خپله ضعیف یوو د ایمان برخه کې
د ځان پرځای چې کړو تکیه په نورو
سخته جفا کوو د ځان برخه کې
خپله ګنا چې پر شیطان اچوو
دا ناځواني ده د شیطان برخه کې
مکان کې هم یوو له تغییره منکر
ولاړ یوو ځای پرځای زمان برخه کې
کلونه تېر شول او پېړۍ واوښتې
تغییر رانغی د افغان برخه کې
د ۲۰۲۲ کال د جنوري ۸ مه
سرلوڅ مرادزی
Leave A Reply

Your email address will not be published.