The news is by your side.

غزل

ومان نیازی

0 192

بې له څراغه بې انځوره شاعري هم کېږي
بازار دی ياره دلته توره شاعري هم کېږي
ګونګروګان غلي، کړکۍ پورې، قرنطين او سګرت
ساده کنځلې، چرت، کمزوره شاعري هم کېږي
په کتابچه کې مې يو نوم لکه څراغ بلېږي
ته دې خبره يې بې اوره شاعري هم کېږي
شمعې، باران، څو نڅاګرې د ګلانو ګېډۍ
داسې ماښام ته مازې ګوره شاعري هم کېږي
ما نن خپل سیوري ته د ګل لږه رڼا ورکړې
په دې زرغونه شپه کې نوره شاعري هم کېږي

Leave A Reply

Your email address will not be published.