The news is by your side.

غزل

سید اسدالله اسد

0 149
ژوند له شاتو خوږ دی څه ترخه پکی خبره ده
ما کړه درته لنډه خو اوږده پکی خبره ده
فکر دی پری نيسی ای ملګرو هوايی مرغان
دام د اوږدو لومو دي دانه پکی خبره ده
ستا هره جفا می په زړه اور رابلوي اشنا
ښکلی ده ادا ياره لمبه پکی خبره ده
ايښی په انګور کی اشنا دوه ډوله خوندونه دی
يو خواږه خواړه دی بل نشه پکی خبره ده
دلته د منصور د حق ناره او ورختل په دار
څه پيچلي لار ده څومره ښه پکې خبره ده
ښکيل شو د ادم بچوړی سخته ازموينه کی
وخت چی دی د زور ربه پرته پکی خبره ده
مه الوزه پورته په هوا مخی ته وګوره
تم شه چی تيريږي جنازه پکی خبره ده
جار دی زه اسد د اوږدو زلفو له هر تاره شم
مينه ده ښايست دی زولنه پکی خبره ده
Leave A Reply

Your email address will not be published.