The news is by your side.

!مسلمانه

الهام الدین قیام

0 46
ته انسانه له خپل ځانه خبر نه یې
د خپل ځان له کیف اوکانه خبر نه یې
د قرآن په سر له خپله سره تیر ېې
خو پخپله له قرآنه خبر نه یې
ای د پاک قرآن په نوم باندی مینه!
د قرآن له ھیڅ فرمانه خبر نه یې
چې دعا کوې ایمان له خدایه غواړې
خو پخپله له ایمانه خبر نه یې
اذان اوری په پیغام یې نه پوھیږې
لا تر اوسه له اذانه خبر نه یې
په لمانځه کې سرپه سر ځانته دعا کړې
له دعا دې مسلمانه خبر نه یې
ته له خپله خدایه ھروخت جنت غواړې
د جنت په لار نادانه خبر نه یې
د جنت لپاره بل مسلمان وژنې
د وژنی له جزانه خبرنه یی
مسلمانه ! د جنت د ورتلو لاردې
کړه پخپلو لاسو ورانه ،خبر نه یې
د ھرچا په خوله قیام ته را پاڅیږې
خو له خپل قیام افغانه خبر نه یې
قیام
Leave A Reply

Your email address will not be published.