The news is by your side.

‎!غزل

عبدالباري جهاني

0
‎چي بې وزره دي قدم ته درختلی یمه
‎زه په لمبو کي د پتنګ میني منلی یمه
‎اوس به مي ستا پر کوڅه سمه جنازه تېرېږي
‎چي د رقیب په وینو سره توره راغلی یمه
‎ما دي د میني سوداګر له کوڅې وشړله
‎اوس د سیالانو په ټولۍ کي مي ښاغلی یمه
‎زما څخه مه غواړه غزل د پسرلي د نسیم
‎زه د ازل ښکاري خزان پر زړه ویشتلی یمه
‎اوس به د چا په سترګو وینم د وصال خوبونه
‎لکه منصور زه دي په خپل نامه بللی یمه
‎د وخت پر شونډو به زنګېږي زما تڼاکي غزل
‎چي په اغزیو د جنون دي نازولی یمه
‎جهاني زه هم لکه شمع سوځېدل مي زده دي
.‎په دې پانوس کي نصیب زر ځله منلی یمه
(Visited 48 times, 1 visits today)
Leave A Reply

Your email address will not be published.