The news is by your side.

وايي: روژه ده، ثواب لري

جنرال دولت وزیري

0

له اختر عبدالرحمن يې واورئ!

– زما دنده د نړۍ د دويم ابر قدرت اتحاد شوروي پر ضد وه.

– زه په ای اس ای کې د افغانانو د روزنې، وسله وال کولو او په افغانستان کې د مجاهدینو لپاره د عملیاتو پلان کولو مسؤل وم.

– زما بله دنده دا وه چې له افغانستان څخه د روسانو لپاره ویټنام جوړ کړم.

– ما د دې جګړه ییزو عملیاتو لپاره له ځان سره ۶۰ تنه له ای اس ای او ۳۰۰ تنه له اردو څخه افسران لرل.

– ما په څلورو کلونو کې ۸۰ زره افغانان د جګړې له پاره وروزل، په سلګونو زره ټنه وسلې او مهمات مې دوی ته ورکړل په ميلياردو ډالر په دې لاره کې مصرف شول.

– د ای اس ای افسرانو مستقيما دننه په افغان خاوره کې له مجاهدینو سره يو ځای جګړې کولې.

– د ۱۹۷۹ میلادي کال په ډسمبر میاشت کې جنرال ضیاالحق د ای اس ای مشر جنرال اختر عبدالرحمن ته وویل، کابل باید ورو- ورو په اور کې وسوځي.

 – د مجاهدینو له پاره په ټول پاکستان کې اجناس د سې ای اې په پیسو را نيول کېدل.

– چارلس ویلسن د امریکا د کانګرس غړي به ويل، په ویټنام کې ۵۸ زره امریکایان ووژل شول، تر اوسه شوروي زموږ قرضدار دی، موږ خپل قرض له شورويانو څخه بايد د مجاهدينو په لاس واخلو.

 – ویلسن به ویل، شورويانو د امریکایانو د وژلو له پاره ویټنامیانو ته وسلې ورکولې، موږ بايد د شورویانو د وژلو لپاره مجاهدينو ته وسلې ورکړو.

– وايي، په ۱۹۸۴ میلادي کال کراچۍ ته د امریکایانو له خوا سل زره ۳۰۳ بور ټوپکونه او مهمات يې راغلل چې له هند څخه يې اخيستي وو. امریکایانو دې ته د کوچنۍ تحفې نوم ورکړی و.

– وايي، موږ ۲۰۰ لويې لارۍ په راولپنډۍ کې لرلې چې په بدلو نمبرپلېټونو مو مجاهدینو ته په کې وسلې لېږدولې.

– په مرستو کې د مجاهدینو برخه په دې ډول وه،

حکمتيار ته ۱۸ ، ۲۰ سلنه

استاد رباني ته ۱۸ ، ۱۹  سلنه

استاد سیاف ته ۱۷ ، ۱۸ سلنه

مولوي خالص ته  ۱۳, ۱۵ سلنه

مولوي محمد نبي ته ۱۳ , ۱۵ سلنه

ګېلاني ته ۱۰ ،  ۱۱ سلنه

مجددي ته ۱۳ ،  ۵ سلنه

– وايي، افغانان يوازې د بهرنیانو پرضد د جګړې پر مهال سره متحد کېږي.

– وايي، جنرال اختر له کابل سره فطري او روحي عقده لرله، هغه به ویل په کابل باید بریدونه ډير زیات وي.

لکه چې د واک له پاره جګړه ثواب لري، په روژه کې هم وژل ثواب لري، زور ورکړئ، ځکه افغانستان د جګړو پولیګون دی.

نیابتي او د انتقام اخیستلو جګړې دلته د افغانانو په لاس او وژلو ښې چلېږي. ښايي ستاسو د بادارانو خوشحالي او رضایت د افغانانو د وینې د بخښلو سبب شي.

« توره، توپ و ټوپک زموږ ګاڼه ده،

قلم، یوم، ګینټی، جغ او سپار په بلا وهئ.»

(Visited 11 times, 1 visits today)
Leave A Reply

Your email address will not be published.