The news is by your side.

يوه خبره درته وکم؟

میوند بختیار

0

هغه وخت چې د خوشال خټک ځواني وه، بس د هماغه مهال کيسه ده، د هغه وخت داستان دی چې د شعر تر شهنشاه د نثر ښاپېرۍ راته ګرانه شوې نه وه. فيسبوک مې کوت، د معاصرو ناولونو په اړه مې ليکنه هم فيسباکه ته پورته کړې وه او ما يې لايک و کمينټ شمېرل، چې ډنګ شو د پوهنتون د وخت د ټولګيوال ملګري مسيج راغی:

  – سلامونه اشنا!

– وعليکم السلام! سترګې مې روښانه.

– څنګه يې؟ جوړ يې؟ کورنۍ ته خير دی؟

– الحمد لله ښه يم، ته څنګه يې؟ کورنۍ او دوستان مو ښه دي؟

– شکر، ښه يو، بد نه يو. زوړ ملا، زړې تراوې دي. مننه.

– شکر چې ښه يئ.

– ستا چې ګوتې په غوړيو کې شوې، هيڅ مو پوښتنه هم نه کوې؟

– له مرګي هېر شې، تل مې په ياد يې. که به مې يو ساعت هېرېږې – له ما دې هېر شي دا لوستلي کتابونه

– بديع و بيان؟

– ههههههههههه يه، پنج ګنج.

– يوه خبره درته وکم؟

– هو، مهرباني.

– شېرمحمد څنګه دی؟ هههههههههههههههههه

– کوم شېرمحمد؟

– هرات ته درغلی دی، تورپېکۍ هم ورسره ده.

– ستاسو کوم شناخته دی؟

– ههههههههههههه يه! ته تر اوسه شېر محمد نه پېژنې؟

– ههههههههههههه منېکه يې پېژنم.

– يوه خبره درته وکم؟

– هو، ولې نه هههههههههههه.

– د هرات تاريخي منارونه دې ور ونه ښوول؟

– چاته؟

– شېرمحمد او تورپېکۍ ته، غريبان ناولده دي، شپه يې په نانوايي کې تېره کړې وه او په کوڅو کې سرګردان دي.

– هههههههههههه دا څه په ګډو وډو سر يې؟

– نه يم سر.

– يې.

– يه، ته دا ناولونه ولې نه لولې؟

– لولم يې، هم يې لولم او هم دانه مانه ليکنه پرې کوم، همدا اوس مې هم د معاصرو ناولونو په اړه ليکنه فيسباکه ته پورته کړې ده او ستا لايک و کمينټ لا درک نه لري. ههههههههههههههههه

– ښه!!!

– هونو، څوک د درس څوک د مکتب څوک د تلقين شول

يو خوشال په واړو خلکو کې لونډ دی

ته وايې خوشال شم؟

– هههههههههههه يه! مه کېږه.

– ښه، نورې څه کيسې دي؟

– هيڅ، کراره  بده ورځ ده. يوه خبره درته وکم؟

– ههههههههههههههههههه خود يې وکړه.

– ههههههههههههه دا د نصير احمد احمدي د ناول نوم دی، ته يې يو ځل ولوله، بيا به شېرمحمد او تورپېکۍ وپېژني او زه به ولاړ شم چې د فيسباکه ليکنې ته دې لايک او کمينټ درکړم.

– ههههههههههههههههههههههه هی خدای دې غرق کړه.

هرات پوهنتون

۱۴۰۰/۶/۱۵

(Visited 13 times, 1 visits today)
Leave A Reply

Your email address will not be published.